Ch’ama baja ayllun yapu sata arunakan amuyupa (Léxico Semántico Aymara de la Siembra en la Comunidad Ch’ama Baja

Abstract

Yatxat uñt’äyawix akham sat p’iqinchaniwa “Ch’ama Baja ayllun yapu sata arunakan amuyupa” (Léxico Semántico Aymara de la Siembra en la Comunidad Ch’ama Baja), aka yatxatäwix Ch’ama Baja del Ayllu Chama Marka Arax Suxta del “Municipio Jesús de Machaca” de la Provincia Ingavi del Departamento de La Paz uksan yatxat’atawa, ukampirusa pä waranq tunka llätunkani marat qalltasin pä waranq tunka payani marakamaw jikikiptayata, ukhamaraki aka yapu sata yatxatäwix, aski qillqa thakhinchampiw yatxatata, (es una investigación cualitativa). Jichhax akhamaw yapu satäwin arunakax pallthapt’at utji, ukatx akham tam tamaw chhijllst’ata. Nayraqatax uraq qhulliwin, ukhamarak yunta yapiwin arunakaw apst’ata, ukharux awtipachan uraq wakt’ayäwin arunakaw utjaraki, uka pachparaki yapu satäwin arunakas jikhxat’ata utjaraki, qhip qhiparux piwu jakhun arunaka, ukhamaraki quqa panqaran arunakas utjaraki, ukatx sapa tama arunakaw uñakipt’ata, ukharux chiqa aru amuyu, ukhamarak mayt’a amuy tuqits uñakipt’atax utjaraki. Aka yatxatäwix aski uñañchawa, aka yapucht’äwix Ch’ama Baja aymar jilat kullakanakan luräwipawa, sapa maraw yapu qhullin, yapu wakt’ayañ, yapu satañ yatisipki, jichhakamas uka kipkaw yapucht’ata utjaski, ukhamaraki, uywanak uywachasiñs yatisipkiwa. Aka yatxatäwix mä uñt’ayäwiwa, kunjamatixa luräwinakax mäkiptki ukham arunakax apthapt’atawa, ukhamarusa, yapu satan nayrïr aru amuyunaka, ukhamaraki payïr aru muyunakas uñakipata, uka pachparaki yapu sata tuqits jiskht’anakax jiskht’atawa.